BARLETI STARTUP DHE LEDIO CERKA PËRFAQËSOJNË SHQIPËRINË NË FINALET GLOBALE TË CBC NË KOPENHAGEN!

Jemi të lumtur të njoftojmë se kordinatori i Startup Barleti Kristian Muçaj dhe Ledio Cerka nga LC-Videography kanë përfaqësuar me krenari Shqipërinë në finalet prestigjioze globale të Creative Business Cup (CBC) në Kopenhagë. Finalet Globale të CBC janë një konkurs i njohur botëror që bashkon startup-et më inovative dhe kreative nga e gjithë bota, duke prezantuar ide dhe teknologji të jashtëzakonshme. LC-Videography, themeluar nga i talentuari 17-vjeçar Ledio Cerka, specializohet në përdorimin e dronëve FPV (First Person View) me kontroll manual dhe shpejtësi të lartë, të cilët kapin pamje kinematografike të mrekullueshme. Pasioni i Ledios për videografinë dhe qasja e tij inovative kanë pasur tashmë një ndikim të madh në tregun shqiptar, duke punuar me mbi 50
kompani të mëdha në vetëm dy vite. Vizioni i tij shtrihet përtej suksesit komercial, duke synuar të edukojë gjeneratën e ardhshme mbi aplikimet e ndryshme të teknologjisë së dronëve dhe të krijojë një ndikim social përmes punës së tij. Një falenderim shkon për Ambasadorin e Shqipërisë në Danimarkë, z. Sokol Dedja, i cili na mbështeti gjatë ditës së dytë të konkurrimit. Prania dhe përkrahja e tij ishte një inkurajim i madh për ne.

Finalet Globale të CBC ishin një ngjarje emocionuese e mbushur me prezantime frymëzuese dhe ide inovative. Ne përgëzojmë tre fituesit kryesorë të CBC 2024:
1. Vendi i Parë - Castomize, Singapor : Një kompani teknologjike mjekësore q
revolucionarizon kujdesin shëndetësor me gipsat ortopedikë të printuar me teknologji të
avancuar 4D.
2. Vendi i Dytë - Silent Power, Bahrein : Një startup i dedikuar për zgjidhje të energjis
së rinovueshme, i njohur për SP250 Solar Water Tank Cooler-in inovativ.
3. Vendi i Tretë - Audiocat, Estoni : Një startup estonez që zhvillon lojëra për person
me aftësi të kufizuara vizuale, duke pasur një ndikim të rëndësishëm social.

Jemi jashtëzakonisht krenarë për Ledion që me arritjet e tij prezanton inovacionin shqiptar në skenën globale. Rrugëtimi i tij është një shembull i shkëlqyer i shpirtit të krijimtarisë dhe sipërmarrjes që CBC synon të festojë.Barleti University është gati të identifikojë, promovojë dhe mbështesë të rinjtë punëtore dhe të
talentuar.Qëndroni të informuar për përditësime të tjera mbi LC-Videography dhe iniciativat e tyre të ardhshme. Le të vazhdojmë të mbështesim rininë tonë të talentuar dhe kontributet e tyre inovative për botën.