Bootcamp – Eksperiencë Unike për Sipërmarrësit e Rinj!

Universiteti Barleti vijon turin e aktiviteteve dinamike të Bootcamp-it, këtë herë në bashkëpunim me gjimnazin "Ismail Qemali". Ky event ka shërbyer si një platformë inspiruese për maturantët e pasionuar pas sipërmarrjes dhe inovacionit, duke u ofruar mundësinë për të zhvilluar aftësitë e tyre dhe për të transformuar idetë në projekte konkrete.

Nën mentorimin e ekspertëve të fushës, pjesëmarrësit kanë ndjekur trajnime intensive mbi strategjitë e biznesit, analizën e tregut dhe ndërtimin e modeleve të suksesshme me Business Model Canvas. Përmes një qasjeje praktike dhe sfidave reale, ata kanë punuar në grupe për të zhvilluar prototipe dhe për të prezantuar idetë e tyre para një paneli ekspertësh.

Ky është vetëm një nga hapat drejt konkursit final "Barleti Startup", që do të mbahet më 6 maj, ku idetë më të mira do të marrin vlerësimin dhe mbështetjen e duhur për t'u kthyer në realitet.

Ftojmë të gjithë maturantët të bëhen pjesë e aktiviteteve të ardhshme dhe të eksplorojnë botën e sipërmarrjes me Universitetin Barleti!

Bashkohu edhe ti dhe ndërto të ardhmen tënde sipërmarrëse! 🚀