Takim me të rinjtë në Vlorë: Vetëbesimi në epokën e rrjeteve sociale

Në një kohë kur rrjetet sociale ndikojnë gjithnjë e më shumë në mënyrën se si të rinjtë e shohin veten
dhe botën, një diskutim i hapur u mbajt nga pedagogia Dr. Olta Murataj nga Universiteti Barleti në
qytetin e Vlorës për të trajtuar sfidat dhe mundësitë që sjell kjo epokë dixhitale.
Gjatë takimit, të rinjtë u angazhuan në një bisedë interaktive mbi ndikimin e rrjeteve sociale në
vetëbesim dhe zhvillimin e identitetit personal. Pjesëmarrësit reflektuan mbi mënyrën se si imazhet dhe
mesazhet që shohin online ndikojnë në perceptimin e tyre për veten dhe diskutuan strategji për të
ndërtuar një vetëbesim të shëndetshëm, pavarësisht presioneve të jashtme.
Ky takim ishte një hap i rëndësishëm drejt fuqizimit të të rinjve, duke i ndihmuar ata të ndërtojnë një
identitet të fortë në një kohë kur rrjetet sociale janë bërë pjesë e pandashme e jetës së tyre.