Të rinjtë e Gjimnazit Elite njihen me profesionet e ekonomisë.

Maturantët e Gjimnazit Elite janë bërë pjesë e një vizite studimore në kuadër të aktiviteteve për orientim dhe zhvillim karriere në ambientet e departamentit të ekonomisë pranë Universitetit Barleti. 

Në shoqërinë e pedagogëve ata janë njohur më nga afër me infrastrukturën e universitetit si dhe u përfshinë në një diskutim rreth profesioneve te ekonomisë nën mentorimin e Prof.Asoc.Mateo Spaho dhe Dr.Doris Doda.

Këto aktivitete janë një mundësi e mirë për maturantët për t’u njohur nga afër me profesionet që duan të ndjekin në të ardhmen.