Turneu i Bootcamp-eve të Universitetit Barleti Vijon me Sukses!

Pas organizimit të suksesshëm të Bootcamp-it të parë në Tiranë, Universiteti Barleti ka vijuar me këtë seri aktivitetesh dinamike, duke krijuar një platformë të rëndësishme për të rinjtë e pasionuar pas sipërmarrjes dhe inovacionit. Nën udhëheqjen e ekspertëve të fushës, ky program po u ofron studentëve dhe maturantëve mundësinë për të zhvilluar aftësitë e tyre, për të krijuar ide të reja biznesi dhe për t’i kthyer ato në projekte konkrete.

Në çdo Bootcamp, pjesëmarrësit angazhohen në trajnime intensive, ku mësojnë rreth strategjive të biznesit, analizës së tregut dhe përdorimit të mjeteve si Business Model Canvas. Përmes mentorimit nga profesionistë të njohur, ata përballen me sfida reale të ekosistemit të biznesit dhe mësojnë si të ndërtojnë projekte të suksesshme. Një aspekt kyç i programit mbetet puna praktike, ku studentët bashkëpunojnë në grupe për të zhvilluar prototipe dhe për t'i prezantuar idetë e tyre para një paneli ekspertësh.

Ky tur aktivitetesh do të vazhdojë deri në fund të prillit, duke kulmuar më 6 maj në konkursin final "Barleti Startup", ku idetë më të mira do të marrin vlerësimin dhe mbështetjen e merituar.

Ftojmë të gjithë maturantët që kanë dëshirë të na bashkohen në aktivitetet e ardhshme të Bootcamp-it dhe të bëhen pjesë e këtij rrugëtimi frymëzues drejt inovacionit dhe sipërmarrjes!

Bashkohu edhe ti dhe bëhu pjesë e së ardhmes sipërmarrëse!