Avantazhet e zgjedhjes së profesioneve të kujdesit shëndetësor.

Platforma Talenti me përfaqësues të Klubit të Shkencave Mjekësore në bashkëpunim me Universitetin Barleti, në kuadër këshillimit të karrierës zhvilloi në qytetin e Fierit, leksionin e hapur, me temë “ Profesionet e Kujdesit Shëndetësor; Avantazhet e zgjedhjes së këtyre profesioneve, si ndër më të vlerësuarit dhe të rëndësishmit, për të ardhmen e shoqërisë”.
Pjesë e leksionit ishin maturantët e shkollave Numani dhe Janaq Kilica. Në këtë aktivitet morën pjesë profesionistë dhe staf akademik i Universitetit Barleti, Mësues dhe Drejtues të shkollave përkatëse.
Profesorët u dhanë përgjigje të gjitha pyetjeve të maturantëve, që lidheshin me situatën e kujdesit shëndetësor në Shqipëri, duke e vënë theksin në faktorët social dhe ekonomik, si më të rëndësishmit për zhvillimin e mëtejshëm të këtyre profesioneve.
Gjithashtu në aktivitet u theksua se idetë dhe vizioni largpamës i Universitetit Barleti garantojnë dhe premtojnë suksesin e këtyre profesionistëve, në të ardhmen!