Ortodoncia si specilitet në Stomatologji: Klasifikimi i keqkafshimeve (malokluzioneve)

Ortodoncia është një specialitet i stomatologjisë që fokusohet në diagnostikimin, parandalimin dhe trajtimin e problematikave që lidhen me drejtimin e dhëmbëve. Kjo fushë synon të përmirësojë funksionalitetin dhe estetikën e pacientit, duke korigjuar kafshimin e tij. Trajtimet ortodontike përfshijnë përdorimin e braketave apo maskerinave dhe aparateve te tjera ortodontike që drejtojnë gradualisht rritjen e nofullave dhe pozicionimin e dhëmbëve duke arritur kafshimin optimal. Malokluzionet (keqkafshimet) klasifikohen si më poshtë.

• Klasa I: Raporti mes nofullës së sipërme dhe të poshtme (maksilës dhe mandibulës) është korrekt, por problemi qëndron vetëm tek dhëmbët të cilët paraqiten të grumbulluar, të vendosur më përpara se norma apo janë të rrotulluar nga pozicioni i tyre. Në këtë rast pra problemi është dentar, jo kockor.

• Klasa II: Nofulla e sipërme është e pozicionuar më përpara se ajo e poshtmja, ose nofulla e poshtme është e pozicionuar më mbrapa. Mund të ketë dhe një kombinim të këtyre dy problematikave.

• Klasa III: Nofulla e sipërme është e pozicionuar më mbrapa se ajo e poshtme, ose nofulla e poshtme është e pozicionuar më përpara. Mund të ketë dhe një kombinim të këtyre dy problematikave.

• Kafshim i hapur: Dhëmbët e përparme të nofullë së sipërme dhe të poshtme kane distance të konsiderueshme nga njeri-tjetri dhe takojnë vetëm dhëmballet.

• Kafshim i thellë: Dhëmbët e përparmë të nofullë së sipërme mbulojnë shumë dhëmbët e përparme të nofullës së poshtme.

• Kafshim i kryqëzuar: Dhëmballët e nofullës së sipërme takojnë më në brendësi dhëmballët e nofullës së poshtme duke u shoqëruar dhe me një devijim të nofullës së poshtme (mandibulës).

• Grumbullime të dhëmbëve: Për shkak të mungesës së hapësirave, dhëmbët nuk janë në pozicionin e tyre korrekt duke krijuar mbivendosje mes tyre. Shpesh herë kjo shoqërohet dhe me mosdalje të dhëmbëve dhe mbetje te tyre brenda në kockë. Kjo problematikë shfaqet kur ka një moskoordinim mes madhësisë së dhëmbëve dhe bazave kockore ky ata vendosen.