Panairi më i madh dedikuar talentit dhe aftësive të të rinjve, “ALBANIAN CENTRAL STEAM FAIR
2023(ACSF)” ku mund të marrin pjesë nxënës dhe maturantë me projekte të përfunduara, në proces
përfundimi ose projekt ide interesante, do të organizohet në datë 16 dhjetor ora 09:00 në ambientet e Universitetit
Barleti.
Aktiviteti përbën një pikë takimi me vlerë për promovimin e talenteve të nxënësve dhe
maturantëve, dhe mbështetjen e tyre për të zhvilluar aftësitë, njohuritë, prirjet dhe talentin jo
vetëm në plan kombëtar, por edhe ndërkombëtar përmes filozofisë së STEAM.
Panairi ALBANIAN CENTRAL STEAM FAIR 2023(ACSF) është panair i projekteve në Shkenca
Natyre (Biologji, Kimi, Matematikë, Fizikë), Inxhinieri (Robotikë, Elektronikë, Mekatronikë,
Elektrikë, Ndërtim) TIK (IT, Programim, Databaze), Arkitekturë-Design, Arte dhe Krijimtari të
viteve të fundit i nxënësve dhe maturantëve nga shkollat e mesme të Shqipërisë së Mesme,
konkretisht të Qarkut të Tiranës, Durrësit, Elbasanit, Kurbinit dhe Krujës.
Në aktivitet do të shpallen 10 projekte finaliste nga 2 për secilën disiplinë të STEAM të cilët do
të marrin pjesë tek konkursi final NATIONAL STEAM FAIR 2023. Po ashtu pjesëmarrësit do të
pajisen me certifikatën e pjesëmarrjes në këtë event.
STEAM do të organizojë katër panaire në të gjithë Shqipërinë ku do të zgjedhen finalistët që do
të marrin pjesë në panairin final në Prill 2024 ku do të ndahen dhe çmimet për secilën disiplinë.
Për të marrë pjesë ju lutemi të regjistroheni në formularin e mëposhtëm:
https://steamalbania.al/albanian-central-steam-fair-2023-acsf/
