Pse duhet të investoj të ardhmen time në Drejtësi?

“Një leksion shumë i vyer që na ndihmon të jemi më të qartë në fushën ku duam të orinetojmë karrierën tonë”, me këtë mendim unanim nga të rinjtë u mbyll me sukses takimi i Klubit “Drejtësi dhe Mirëqeverisje” realizuar më datë 23.11.2023.

Shumë të rinjë ishin të pranishëm në leksionin e hapur me temë “Hapat e parë në fushën e së drejtës”, ku u njohën më në detaje me mundësitë që i ofron fusha e drejtësisë për zhvillim profesional.

Profesorë dhe ekspertë në fushën e së drejtës ndanë eksperiencat e tyre shumë vjeçare me të rinjtë që janë pjesë e klubit “Drejtësi dhe Mirëqeverisje”. Ligjëruesi Anton Martini, ekspert i fushës foli për eksperiencën e tij që nga periudha e studimeve për drejtësi, e më pas përvetësimi i profesionit me përkushtim dhe pasion.

Gjithashtu profesorë të nderuar të fushës së Drejtësisë, Prof.Asoc.Elizabeta Imeraj, Prof.Asoc. Naim Mëcalla, Prof.Asoc.Edi Spaho, ME.Flutur Shabani etj., ju përgjigjën pyetjeve të të rinjve duke i ndihmuar të jenë më të qartë në fushën ku synojnë të investohen në të ardhmen.

Ky aktivitet, së bashku me shumë të tjerë që do të organizojë Klubi kanë si synim të zgjerojnë horizontin e të rinjve dhe ti ndihmojnë ato të spikasin në fushat që kanë zgjedhur të studiojnë.