Aktivitet këshillimi karriere: “Zbulo talentin tënd!”

Sot më 24.11.2023 u zhvillua aktiviteti i këshillimit në karrierë me pjesëmarrjen e 64 të rinjve nga shkollat e mesme të Tiranës, që janë ende të pavendosur mbi degën/programin e studimit dhe profesionin që duan të kenë.

Aktiviteti u realizua në mënyrë interaktive dhe shumë praktike, me shembuj dhe hapa konkretë që të rinjtë pjesëmarrës duhet të ndjekin, për t’a patur shumë të thjeshtë zbulimin e talentit, apo prirjet e zhvilluara që kanë të ndërlidhura me një fushë apo profesion të caktuar.

Ky aktivitet hapi siparin e një sërë organizimesh në vazhdimësi, që do të zhvillohen nga klubi i fushave dhe drejtimeve të tjera, me fokus dhe qëllim informacionin dhe këshillimin profesional të të rinjve, për t’u qartësuar dhe bërë zgjedhjet e duhura mbi profilet e studimeve, profesionet, punën dhe suksesin në karrierë.