Sfidat e profesioneve në fushat e financës, menaxhimit dhe marketingut: Si të fillojmë një biznes online në 5 hapa – Të mësojmë nëpërmjet lojës…
“Shkencat Mjekësore: Këshillim për Karrierën te Maturantët”
27/01/2025
“Workshop i Klubit Studentor “Shkenca Kompjuterike dhe Informatikë”, “Hapat e Parë të Krijimit të një Lojë me Ndihmën e Inteligjencës Artificiale” “
28/01/2025
Ky aktivitet inovativ u zhvillua me maturantët e këtij viti dhe kishte për qëllim njohjen e tyre me sfidat dhe mundësitë që ofrojnë fushat e financës, menaxhimit dhe marketingut në epokën dixhitale. Duke ndjekur një qasje praktike dhe interaktive, pjesëmarrësit mësuan se si të ndërtojnë një biznes online në vetëm 5 hapa kryesorë, duke përfshirë:
- Zgjedhjen e një ideje biznesi të qëndrueshme.
- Krijimin e një plani të thjeshtë strategjik.
- Zhvillimin e një faqeje ose platforme online.
- Përcaktimin e strategjive të marketingut digjital.
- Menaxhimin dhe analizën e performancës së biznesit.
Aktiviteti u realizua në formën e një loje edukative, ku maturantët ndanë role dhe krijuan simulime reale të një biznesi online. Kjo metodologji inovative jo vetëm që i angazhoi të rinjtë, por i ndihmoi të kuptojnë rëndësinë e punës në grup, kreativitetit dhe marrjes së vendimeve strategjike në kushte konkurrence.
Energjia dhe entuziazmi i pjesëmarrësve treguan se mësimi përmes lojës është një qasje efektive dhe argëtuese për zhvillimin e aftësive të domosdoshme për tregun modern të punës.
