Barletasit shpërndajnë dhurata për fëmijët e shtruar në spitalin e Pediatrisë

Në prag të festave të fundvitit, studentët dhe stafi i Universitetit "Barleti" realizuan një nismë të veçantë për të sjellë gëzim dhe shpresë te fëmijët e shtruar në spital. Dhuratat u shpërndanë në Pavionin e Onkohematologjisë dhe Pavionin e Sëmundjeve Respiratore të Shërbimit Pediatrik, ku fëmijët i pritën me shumë gëzim dhe emocion.

Një falënderim i veçantë shkon për stafin e këtyre pavioneve, të cilët ofruan ndihmë dhe mbështetje të paçmuar në realizimin e kësaj nisme. Kontributi i tyre bëri të mundur që dhuratat të arrijnë te fëmijët dhe të sjellin buzëqeshje në këto momente të vështira.

Universiteti "Barleti" mbetet i përkushtuar ndaj solidaritetit dhe mbështetjes së komunitetit, duke kontribuar për një atmosferë festive dhe shpresë në zemrat e më të vegjëlve.