“Këshillim karriere në fushën e informatikës me të rinjtë në Fier”

Në shkollën profesionale “Petro Sota” dhe gjimnazin “Alen”, në qytetin e Fierit, u zhvillua aktiviteti në kuadër të këshillimit për karrierë, me fokus të veçantë në fushën e informatikës.
Ky aktivitet u udhëhoq nga Prof. Assoc. Dr. Genta Rexha, e cila inkurajoi maturantët të shfrytëzojnë mundësitë në fushën e informatikës për të ndërtuar një karrierë të suksesshme.
Maturantët shfaqën interes dhe dëshirë për të eksploruar më tej këtë fushë, nëpërmjet studimeve dhe trajnimeve relevante për zhvillimin e aftësive të tyre në informatikë.
Ky aktivitet shërbeu si një trampolinë ku maturantët u informuan mbi perspektivat që kjo fushë ofron.