“Të rinjtë e Durrësit në Universitetin Barleti: Teknologjia e Informacionit, E Tashmja dhe E Ardhmja”

Në ambientet e Universitetit Barleti mirëpritëm të rinjtë e apasionuar pas teknologjisë dhe shkencave kompjuterike nga qyteti i Durrësit. Gjatë kësaj vizite, patëm mundësinë të diskutojmë me ta mbi zhvillimet më të fundit në fushën e Teknologjisë së Informacionit, si dhe mbi trendet që po transformojnë këtë industri në nivel global.

Ndamë me pjesëmarrësit eksperiencat dhe arritjet konkrete të studentëve tanë, duke i ofruar një pasqyrë të qartë mbi mundësitë akademike dhe praktike që Universiteti Barleti ofron në këtë fushë.

Maturantët treguan një interes të veçantë, duke bërë pyetje të zgjuara dhe duke u angazhuar në diskutime rreth informatikës dhe aplikimeve praktike të saj. Ky bashkëbisedim frymëzues shërbeu si një urë lidhëse mes të rinjve dhe botës akademike, duke nxitur kuriozitetin dhe pasionin për teknologjinë.